السلام عليكم ورحمة الله وبركاته ،،،،
من زمان ما كتبت شي بالعامية .... ومن زمان ما تكلمت عن الزواج :)
المعروف بمجتمعنا أن الريال هو اللي يختار شريكة حياته ويحدد من يبي يخطب .... وشنو الشي اللي خلاه يخطب او يهتم أو يعجب أو تلفت نظره بنت غير عن الثانية !!
خطبة أهل بنقول والله الأهل اللي اختاروها والبنت ما عليها إلا توافق عليه بعد ما تكون بالمواصفات اللي يبيها .. أهني اوكي ( وهم أحتمال تكون مسوية الخالة دهينة لا تنكتين علشان تخطبها حق ولدها)
لكن لاحظت أن الحين البنت أهي المسؤولة عن تأمين الريل لها ...
يعني خل أبسطها .. في بنات مثلا بالجامعة معجبة في واحد تستغل فرصة أن الريال زميل بالدراسة فتحاول تتقرب منا عن طريق مذكرات او مساعدة او استفسار او نظرات ... وأهية اهني تكون متوفرة حقه ..
أو بمجال العمل ... مثلا كل ساعة قاط الوي عند قسم معين ... تترزز جبال ويها ... تسولف وتتعرف وإلى آخره من تدلع وتقصع ...
وطبعا في معايير للأختيار ومنها ... ( العايلة ، والمنطقة ، المنصب ، الشكل .. إلخ إلخ من المغريات
...وبالنهاية اتمت المهمة والريال يخطبها وياخذها زاهبة مزهبة وتكون أهني ( قدعة ) يعني ( جابت راسووو
من زمان ما كتبت شي بالعامية .... ومن زمان ما تكلمت عن الزواج :)
المعروف بمجتمعنا أن الريال هو اللي يختار شريكة حياته ويحدد من يبي يخطب .... وشنو الشي اللي خلاه يخطب او يهتم أو يعجب أو تلفت نظره بنت غير عن الثانية !!
خطبة أهل بنقول والله الأهل اللي اختاروها والبنت ما عليها إلا توافق عليه بعد ما تكون بالمواصفات اللي يبيها .. أهني اوكي ( وهم أحتمال تكون مسوية الخالة دهينة لا تنكتين علشان تخطبها حق ولدها)
لكن لاحظت أن الحين البنت أهي المسؤولة عن تأمين الريل لها ...
يعني خل أبسطها .. في بنات مثلا بالجامعة معجبة في واحد تستغل فرصة أن الريال زميل بالدراسة فتحاول تتقرب منا عن طريق مذكرات او مساعدة او استفسار او نظرات ... وأهية اهني تكون متوفرة حقه ..
أو بمجال العمل ... مثلا كل ساعة قاط الوي عند قسم معين ... تترزز جبال ويها ... تسولف وتتعرف وإلى آخره من تدلع وتقصع ...
وطبعا في معايير للأختيار ومنها ... ( العايلة ، والمنطقة ، المنصب ، الشكل .. إلخ إلخ من المغريات
...وبالنهاية اتمت المهمة والريال يخطبها وياخذها زاهبة مزهبة وتكون أهني ( قدعة ) يعني ( جابت راسووو
لكن هالشي مو كل بنت تقدر تسويه ... أهية بالواقع كل بنت تقدر ... لكن مبادئها ما تسمح لها ... وعزة نفسها فوق كل اعتبار ..
في ريال تطوف عليه هالحركات وينشبك ( ويعيشون حياة سعيدة ) .... في رياييل ما تطوف عليهم ..!!
بنات وايد يفكرون .... مو أنا اللي اقط ويهي أو أرز عمري علشان أخليه ينتبهلي ... إذا ما يه من نفسه وحسسني أن انا مميزة عيل شالفايدة ...!!!
قمة التحدي والنجاح متى ؟؟؟
لما من بد البنات كلهم وأنتي ما تدرين أو حاسة ومطنشة .... فينعجب فيج ويلاحقج .... وأهني هذا الطبيعي ..
لان الحركات ( الئرعة ) معروفة .... حتى سبحان الله لو صار زواج بعدين .... ما تلقين بنات الدوام يقولون :
اهي خو كانت ميتة عليه وما قصرت واهي تلاحق فيه وتبيه لها !!
------> حسبالها الناس بقر ما يفهمون
أنا اتعجب من بعض الرياييل ... لما تكون حركات البنات ما تطوف على أحد والتصرفات واضحة والعيارة واضحة .....
إلا أهو ما شاءالله تطوف عليه ...!!
يا ربي هالرياييل يموتون على المقصة .. :)
في بنات عندهم هالشي فن وحرفنة .... يعني اللي تبيه تييبه لكن للأسف ما يدرون أن كل وحدة لا حطت شخص في بالها تقدر اتييبه اتييبه !!! .. يعتمد على احترام كل وحدة حق نفسها ..
وفي بنات وايد يقولون والله مو ماشي إلا سوقهم ..!! مالت علينا وما نعرف نطيح ... وأهم الزينيين وأحنا قاعدين ...
وصدقوني العكس صحيح وعلى قولة رفيجتي :
" البنات هاذيلا أهم السمج اللي ينصاد بسرعة موجود فوق ... لكن أحنا الدانة اللي بالمحار موجود في قاع البحار ويتعب عليها الآدمي علشان يوصل لها ويحصل عليها وسعرها غالي "
أســـــــــــــــــمع ..... خخخخ :) أييي عشون عيل ...!!
يعني فلنكون صريحين ... لما الشخص ما ينتبه لج ومو معبرج ... وأنتي ودج فيه وتبينه .... ومعجبة فيه وايد وقلبج يتقطع كل ما مر.. بس أهو طوفة ..
شنو معناته ....!؟ ... معناته ما يبيج مو عاجبته !!
يعني مو غصب .. على قولة الاغنية " اللي ما يبانا ما نباه
فيا بنات الثقل زين .. والله يوفق الجميع ،،
