السلام عليكم :)
ماشالله كلامك واجد حلو =)
والله انا معاك في هالشي .. يعني في الزواج .. الوحده لازم تكون مقتنعه 100% في الشخص .. وبتظلم نفسها واجد .. لو حاولت تبرر او تستسهل السلبيات اللي هي مقتنعه فيها .. وهذا أكبر غلط .. لازم الوحده في الخطبه او لما حد يتقدملها انه تفتح عيونها على كل سلبيه تشوفها في الموضوع .. وما يغيب عن بالها شي ..
عساج عالقوه :)

meemoo
=======

تسلمين حبيبتي ... إي والله حرام البنت تظلم نفسها ... والسبب التسرع .. وايد بنات يتحملون تالي نتيجة اختيارهم ويتحسفون ...من حقها تتأنى وتبحث وتفكر على راحتها ... الزواج اللي ما منه راحة ... ما منه لزمة وفايدة ...

شكرا ،،، :)

مبارك عليج الشهر

اي والله صاجه

الحياه الزوجيه يا تدخلينها و انتي بكامل قناعتج و تقبلج و الا لا تسوين شي لمجرد ارضاء الغير

و التضحيه ممكنه لكن مو على حساب نفسي

lawyer
=======

أهلين :)

علينا وعليج بعد قلبي ..

بالضبط هذا اللي بوصله .. الاقتنـــاع

يعني بالبداية لازم يحس الشخص بالأرتياح بانجذاب بلهفة لمعرفة هذا الشخص أكثر وأكثر ... ممكن يتغير هذا الشعور إلى العكس ممكن يكون مجرد تسرع بالحكم لكن على الأقل عرف مشاعره ..

ذيك الساعة مو عيب لما يقرر اللي في صالحه.. لما الأرتياح يأتي للشخص بشكل طبيعي هذا مؤشرات مشجعة يمكن يتلاشى هالشعور مع زيادة الأختلافات وهذا مو عيب طبيعة الأنسان وتفكيره ..

لكن أن بالبداية شعور بالتردد شعور بارد .. هنا مخاطرة إما أن يتلاشى وإما أن يستمر ..

تسلمين ونور البلوق
وحياج الله

This comment has been removed by the author.

This comment has been removed by the author.

اتفق معاج بان التنازلات لها حد وتجوز بكل شيء الا الزواج ، الزواج بدايه حياه جديده ونسيان حياه اخرى وانتقال من مرحله غير مستقره الى مرحله نشأة اسرة وتطويرها وزراعه الاستقرار فيها ويكون هذا كله بوجود شريك .. الشريك منو يختاره ؟

انتي

والكلام كذلك ينطبق على بني جنسي الي تحاملتي عليهم شوي :)

مو كل ريال يشوف حواجب البنت مو كل ريال يشوف خشم البنت كبير ولا لأ ومو كل ريال يشوف جوتيها وانتوا بالكرامه اذا يديد ولا قديم

لأ الزواج معاييره اكبر من جذي بكثيييييييييير

صعب جدا جدا تتلخص برد :)

شكرا لك وكوني بخير

السلام عليكم و مبارك عليكم الشهر الفضيل أجمعين

من البديهيات و الاشياء المسلم بها هي القناعة و الارتياح الى الشخص الاخر سواء كان زوج المستقبل أو زوجة المستقبل- الأهم من ذلك و هذي نصيحة لغير المتزوجين هو وجود الأرضية المشتركة و انسجام و لو بشكل معقول من ناحية الأفكار و المعتقدات الاجتماعية بين الطرفين- الشكل اذا ما كان مريح لا يمكن للامور الثانية تنسجم لأن النفس تقول معقولة أنا كل يوم راح أصبح بهالوجه - انا ليش اخترت فلان- عاد لي فات الفوت ما ينفع الصوت

و سلامي للجميع
و صلاتي و سلامي على محمد بدر التمام و اله و صحبة الكرام

osama740@yahoo.com

بو حامد
========

اهلين :)

عدل كلامك .. وبخصوص التحامل آنا مو متحاملة لكن قصدت فئة معينة يعني بكون صريحة في بعض الرياييل دعلة ..

لان العرض صار أكثر من الطلب ..

وآنا معاك أن معايير الزواج والارتباط أكبر من جذي وبعيده عن هالأمور السطحية ..آنا قاعدة انتقد هالشغله ..

لكن للأسف في ناس تهتم وايد حق هالأمور

وبالنهاية اللي ما يبيك علشان شخصك وانت نفسك ... شنو فايدته !!


حياك الله :)

osama740
=========

وعليكم السلام ورحمة الله وبركاته ،،،

مبارك علينا وعليك ،،

اي هذا اللي المفروض يصير ... في ناس الارتياح كان مؤقت .. ويمكن ينخفض مع زيادة المعرفة ..

وعلشان الواحد يعرف هالأرتياح مؤقت وإلا ماشي .. لازم يعطي حق نفسه وقت ..

لازم عن قناعة مو استعجال للأمور ..

عدل لازم يكون في توافق ..

الله يسلمك
وحياك الله :)

شلون الحلوين ؟
شوفي حبوبة كلامج عين العقل والسنع وانا مستانسة أنج توصلتيله بقناعه من هني ايي النضج , من تجاربنا وخبراتنا وصدمتنا بالناس وتكسر خواطرنا
اللي مريتي فيه شي طبيعي جدا وكلنا مرينا فيه

أنا تعرضت لكل أنواع الضغوط النفسية والإجتماعية والعائلية بس لازلت صامدة لأن ما لقيت احد ارتاح له و الزواج مو مشروع سهل ووناسة هذا مصير حياة إذا مافيها قبول وإقتناع من البداية ماراح تقدرين اتطوفين المشاكل أو الإختلافات اللي راح تظهر عقب

وصدقيني إذا الشخص اللي مرتاحة منه وصل راح اتحسين انتي قبل غيرج راح اتشوفين روحج مندفعة للموافقة ومقتنعة فيه جدا يمكن من غير لا تدرين ليش وبدون لا تحتاجين تفكرين وتغصبين روحج مرة حاولت أغصب روحي حسيبت إني أختنقت صج وكرهت عمري فحلفت ما اعيدها
والنصيب من رب العالمين مو من اي احد ثاني

يمكن داشه مدونتج من قبل بس الأكيد أني زعلانه أني مو متابعه لها لأنج باختصار حملتي همي ةدموعج اذرفت على نفس نبضي

لأن بوست ليشحكى الحكاية وااخ على هالحكايه لم القلوب تتوحد والنبض يحس بالنبض بس المجتمع مو متقبل توافقهم .. بالرغم من أن فرق الي حبيته عن الي عندج أني أنا أهو وهوه أنا بدون مبالغه الي جمعنا مو الحب كثر المصارحة والتفكير حتى بوسوسة النفس .. ولم يكون شخص ماينطق ومن حبه لج وقربج له يتكلم عن الي طول حياته ماكلمه الأحد شسوي بعمره لم الظروف تطلبه يستوعب ويبلع الصدمه وأن محنا البعض

على قولتج مالنا إلا الدعاء وربي يعينا

tasty_as_berry ... أوعدج راح أفصفص مدونتج بأقرب وقت بعون الله لأني لقيت فيها ما ستصعب علي أني أقوله لأن محد راح يستوعب أن حبج ماكان أختيارج بالرغم أنج تدرين أنه غلط

tweety
======

الحلوين بسلموا عليكي خالص خالص :))

بعد جبدي ...عدل كلامج والله .. وهذا اللي آنا أقوله .. السعور ايي من كيفه ..

يسلم بؤك :)

حياج الله يا عسل

محــارة
======

اهلين :)

حياج الله حبيبتي بأي وقت ...

محد يختار بحب هالشخص بعدين يقول يالله ببدي احبه .... ويدش بحب وغرام .. على قولتج ما كان اختياري ..

خصوصا لما تكونين مو بعمر المراهقة .. وعارفه وفاهمة نفسك ..

الله كريم ويفرجها ان شاء الله .. وتسلمين بعد قلبي..

ان شاء الله تعجبج المواضيع :)