في ناس يحبون حب للحب نفسه ... بغض النظر عن مهما كانت نهايته... حتى لو كانت تراجيدي ..
في ناس تحب ان حبيبها يخليها على كيفها ... من تصرف ومعاملة ... وتسوي اللي تبي .. ومع هذا يقولون انهم عايشين حالة حب ..
في ناس .. ما تستغنى عن وجود الصديق من الجنس الآخر .. ويعتبر وجودهم بحياته مهم ... بالإضافة لوجود الزوج أو الحبيب ....
في ناس تبحث عن الرومانسية .. والاهتمام .. والحب .. وترى الحب من هاذي الناحية ...وإذا لم يتوافر هذا الشي .... إذن بلاها ....
في ناس ترى الحب هو بالمرتبة الأولى رغبة جنسية بحتة .... ومن لا يرغب بذلك فهو خالي من المشاعر ..
في ناس يحبون ... لكن لو سألناهم شنو الحب بالنسبة لك ..... ما راح يعرف يجاوب ...
في ناس إذا حبوا يضحون ... وفي ناس الحب بالنسبة لهم تغيير مؤقت ...
وفي ناس تحب لكن خربوا هالحب بالجذب اللي ماله أول ولا تالي ... ومع هذا يضعون الكذب عذر لحبهم .... وأن لوما الكذب ما حبينا بعض .. يعني بالضبط جو مزيف ..
في ناس إذا حبوا يخافون على حبهم ..... وفي ناس إذا حبوا باعوهااااااا ....
وفي ناس إذا حبوا صاروا مليغين .... وفي ناس إذا حبوا تحكموا ....
وفي ناس تحب بكل مشاعرها .... وتسخر طاقتها لهذا الحب ... ولا يمكن انهم يخونون .... وإذا بيوم انكسر قلبهم يروح منا جزأ كبير ... وبعدها صعب انهم يحبون بسهولة ...
وفي ناس يبون الشخص يحبهم ويصيرون حبايب ... وأهمة محددين العلاقة على أساس فريند ..!! شلون وبأي قاموس ما أدري .. يعني معناته لا تفكرين تطالبيني في شي بعدين !!
في ناس تقول انها تحب ..... لكن عليهم عيون زايغة يعلها البط ...!!
في ناس يحبون كذا شخص بنفس الوقت ..... ما ادري يصير يعني !!
وفي ناس يحبون حق الشحاطه بس .... مو حاسين بالحب ...كلش !! إما مهووسين بالشكل ... أو فعل ... معين .... يعني نظرة سطحية متخلفة منبعثة من عقل طفل فرحان أوي بلعبته ...
في ناس طول عمرهم حريصين ... ويوم لقوا الحب .. طاحوا بالناس الغلط .... بعد عمري صج حظ ودر ..!!
وفي ناس متذبذبة .... مو عارفة شتسوي بعمرها ... الناس اللي حواليها ... تقولها وتعلمها منو تحب ... يعني بسهولة الواحد يلعب في مخهم ...
في ناس سمن على عسل .... ناس نادرين الوجود عادلة وواضحة ... حتى ممكن تعطي أكثر من إنها تاخذ ... ناس بذمة وضمير ...
في ناس ... حبوا وراح هالحب ..... بعدها مروا عليهم اللي يسوا .. واللي ما يسوااا ... !!
في ناس تحب ... لكن انا لي حرية شخصية ... والطرف الآخر نفس الشي .... يعني حبنا له حدود !!
في ناس تحب ... لكن الحب بالنسبة لها مو مغامرة ولا تكليف للخاطر .... وما يعنون روحهم ....ويسمونه حب العازة ..!!
في ناس .... ما يدرون وين الله قاطهم ... سبهللا ... مخديين ... القلب يمشي ويحب ...!!
في ناس ... بس ضحكتي في ويهم حبوج على طول .... يا ربي التبسم في وجه أخيك صدقة والله ...!!
وفي ناس .... طوفة طوفة .... تحطين لهم تسوين لهم ... تنابل تمشي على ويه الأرض ..!!
وفي ناس .... إن حبوا ... دعلة أعوذ بالله .... كل دقيقة والثاني بطلوا حلوجهم .... عاد اشدعوة بو دميعة .... كثرة البجي ترى مو شي ولا حتى يأثر ..!!
وفي ناس ملوا من كثر ما اهمة شخصيتهم قوية بالحب .... يبون بوكس ... تفله على الماشي جذي متعة عندهم ..!!
وفي ناس طول عمرهم .... يحبون العين الحمرة .. والتمرمط .... ماكو كرامة بالحب ...!!
في ناس يحبون وينحبون ... طيبين وسعة صدر ..بس لحد يا ربي يستغلهم يعورون القلب :(
في ناس ... يخافون يحبون ... وكثر ما يقدرون كنترول على قلبهم .. لان صعب عليهم يقدمون تنازلات وبالآخر على ناس ما تسوا وما تستاهل ..
وفي ناس تحب ... وترفع الحبيب فوق الراس وداخل العين ... لكن لا يستهين فيهم وينزل من قيمتهم ... يطلع الوي الثاني لهم ... وممكن هالحب يروح ما نقول بلحظه صعبة ....ممكن ينكسر لكن صعب يتصلح ..
وفي ناس ... ما تحب إلا مرة في حياتها ... ويقولون ( الئلب يحب مرة ما حيبش مرتين ) .... وانا ما اعترف بهالشي .... إذا وجدنا الشخص المناسب وحبه الحقيقي .. أحببها من كل قلبنا ..
وفي ناس .. جربت الحب ... وكانت طايرة بهذا الحب .... لكن اكتشفت ان هذا الحب وين والحب الحقيقي وين ... لانها مرت بحب ثاني .... وعرفت شنو معنى الحب
في ناس ... مسكينة .. تبعد عن الحب كثر ما تقدر ... لكن الشقا لاحقها وين ما تروح ...
في ناس ... تحب بطريقتها الخاصة .. يعني ما دام انا مو مقصر معاج ... خلاص شؤوني الخاصة مالج شغل فيها ... وين رحت ومنو دق عليك هذا خارج نطاقج ...
في ناس ... مرت بلحظات حلوة .... ورومانسية لا تنسى ... لكن بالنهاية هل آنا أحب !؟ ويظل هالسؤال يتردد ليما تنتهي العلاقة وتقول .... آنا كنت عارفة في شي ناقص وهذا ما كان حب !!
في ناس ... ياما خسروا ناس تحبهم بتصرفاتهم الطايشة والغير مبالية .... وآخر شي يغصبون عمرهم على حب ناس ما تستاهلهم ....
في ناس .... صعب أنهم يحبون ومو بسهولة .... لانهم دقيقين ... وكل لحظه وموقف لها تفسير عندهم .... وإن حبوا وحسوا انهم فعلا حبوا ... للأسف يكون الشخص الغلط ..
وفي ..... وفي ... وفي .....
