Saturday, September 13, 2008
posted by tasty_as_berry at 2:32 PM

بقدم لكم حلو إيطالي اسمه التيراميسو
وهذا أول موضوع لي عن أكلة أو طبق
هالحلو يعتبر من الأطباق السهلة وعلى طريقة الطباخة جيادا
بس مكوناتها ما تلاقينها في كل جمعية آنا حصلتهم في مركز السلطان

المقادير :

* ladyfinger علبة 1 بسكوت طوالي سهل يتشرب اسمه.
* mascarpone cheese علبة 1 جبن ماسكربوني.
* espresso coffee عمل قهوة اكسبريسو أو مثل ما آنا سويت قهوى تركية لأنها قوية وتتركينها تبرد في وعاء.
* تحتفضين في صفار 6 بيضاء بالتمام والكمال.
* ربع كوب سكر.
* بودر كاكاو مر + كاكاو مبشور.

الطريقة :

هاذي صوره للمقادير قبل ما أبلش



ناخذ أصابع البسكوت ونغمسهم في القهوة على السريع علشان ما يصير لين ويتفتت ونرصه في الطبق



بعدها نسوي خلطة الجبن بالأول نضرب صفار البيض الست مع السكر



إلين يتجانس الخليط



ونصبه فوق الجبن ونخلص بالخلاط



إلين ما يصير الخليط هيييك



نصب الخليط فوق البسكوت المتشرب المرصوص لين يكون سطح مستوي
طبعا آنا حاطة نايلون على الطبق قبل ما رصيت البسكوت
علشان أسهل عليكم لما تقلبونه



ونفس الطريقة نرص البسكوت مرة ثانية فوق طبقة الجبن



بعدين طبقة جبن ثاني مره وبعدها طبقة بسكوت ثالث مرة
يعني "بسكون جبن بسكوت جبن بسكوت" أول الطبق بسكوت وفي النهاية بعد
تالي نلف النايلون على آخر طبقة بسكوت ونحطها بالثلاجة لمدة 3 ساعات



ووقت التقديم تقلبين الطبق راح يكون مرصوص على شكل الطبق والمكونات ماسكة
وتشيلين النايلون اشوي اشوي وترشين الكاكاو البودر والكاكاو المبشور



وعليكم بألف ألف عافية كانت أول مره اسويها ولاقت استحسان والحمد لله :)

Labels:

 
10 Comments:


At 9:05 PM, Blogger lawyer

انا طرييييييييقتي وايد غير


بس هم بسوي هذي لانها وايد اسسسسسسسسهل


انا مافيها بيض وايد بس بيضه وحده

و اسوي حماااااااام مائي حق البيض و الشكر و القهوة الي انقع فيهااااااا البسكوووووووووووت قهوه عربيه

جربي قهوه عربيه و خلطيها مع قفشه نسكافيه



عوااااااااااااااافي

 

At 2:34 PM, Blogger tasty_as_berry

lawyer


أهلين

عاد آنا شفت كذا طريقة بس هاذي سهلة وسريعة

بس بجرب طريقتج مرة ثانية شكلها حاجة بروفيشينال خالص :)

انا احترت بين القهوة العربية والتركية لقيت التركية اقوى

بس بجرب نفسج ان شاء الله

عوافي على قلبج :*

 

At 8:55 PM, Blogger extra

ابي اشارك بالنكته هذي
المدير والسكرتيرة
مدير الشركه قال للسكرتيره عندنا انا و انتي رحلة عمل اسبوع رتبي امورك
السكرتيره اتصلت على زوجها قالتله: عندي رحلة مع مديري اسبوع انت دبر امورك
الزوج اتصل على عشيقته قال لها : زوجتي بتسافر اسبوع خلينا الاسبوع مع بعض
العشيقه تعمل مربية لـ ولد صغير اتصلت قالت له :انا عندي شغل اسبوع كامل مابقدر اجيك
الولد الصغيراتصل بجده قاله : جدو المربيه عندها شغل اسبوع كامل مش هتيجي خلينا كل يوم نرو ح مكان و نغير جو
الجد- طلع نفسه هو مدير الشركه - اتصل على السكرتيره قالها: الغى الاجتماع لاني مشغول مع حفيدي
السكرتيره اتصلت على زوجها قالت له : انلغت الرحلة و راجعه للبيت
الزوج اتصل على عشيقته قال لها: زوجتي مش هتسافر مقد رش اشوفك
العشيقه اتصلت على الولد الصغير قالت له : لا خلاص مافي عندي شغل وراح اجيك
الولد اتصل على جده قال له : لا جدو ....المربيه جاية خد راحتك
الجد رجع اتصل على سكرتيرته قالها حضرى نفسك لازم نسافر للاجتماع !!!!!!


من جد محشش اللي كتبها

 

At 2:08 AM, Blogger lawyer

حبيبني تيسسسسسسسستي

الله يخليج سواااااااااااي تحديث على البوست و كتبااااااااي ملاحظه

ان الماسكربوني شيز العلبه الوحده بثلاث دنانير


يعني المقادير بعشر دنانير

اوووووووووووفر بوايد لو تشترووووونها جاهزة


ههههههههههههههههههههه

 

At 1:40 PM, Blogger tasty_as_berry

extra
=====

أهلين :)

يعطيك العافية على النكتة

وحياك الله بأي وقت ،،،

 

At 1:43 PM, Blogger tasty_as_berry

lawyer
=======

لوووول ... عاد اتصدقين ما انتبهت على السعر أدري انها غالية مو مثل الجبن العادي بس ما هقيت 3 دنانير

لا هاذي تسوينها بالسنة مره خخخخ

 

At 12:06 AM, Blogger extra

ذهب حساوي في يوم من الأيام الى أمريكا وحالما وصل امريكا وصلته برقيه من أخوه الكبير، تقول : أحضر حالاً..
طنش الرجال البرقية ؛ وفي الأسبوع الثاني وصلته برقية من أخوه الوسطي تقول : أحضر حالاً وبسرعة .. أيضاً طنش الأمر الرجال ؛ وفي الأسبوع الثالث طرش أخوه الصغير ليس صغيراً جداً وأنما عمره (20-21) برقية تقول : أحضر حالا الوالد يريدك ...
هذه المرة الرجال صدق وراح حجز على اول طائرة تروح لبلدهم . وبعد ماوصل البلد ووصل بيتهم
دخل شاف أخوه الكبير علية لحية كبيرة قال له : ويش صاير ؟؟! قال الأخو الأكبر : أدخل وشوف أبوك ..
ومشى5 خطوات وشاف أخوه الوسط كثيف اللحية سأله ويش صاير ؟؟! قال له : أدخل وشوف ابوك ..
مشى 7 خطوات فرأى أخوه الصغير ذو لحية كبيرة : وقال له : ويش صاير يا اخوي ؟؟

















! قال له : أدخل الغرفة وشوف ابوك ..
دخل الولد الحجرة وشاف أبوه كثيف اللحية ساله













: ويش صاير ياأبوي فزعتوا لي قلبي ؟؟!






















قال الأب:::








مو عيب عليك تاخذ مكينة الحلاقة وياك .؟؟!!

 

At 9:09 PM, Blogger tasty_as_berry

extra

هاهاااااي

انزين الموس اشفيــــه !؟
إلا ماكينة يعني خخخخخ

هذا حساوي متعنفق

شكرا

 

At 1:39 AM, Blogger Purplecious

عيدج مبارك

و من العايدين الفايزين

:)

شايفه بوستج من ذاك اليوم و شوقتيني على التيراميسو قلت بسوي بس بطريقتي الخاصة لأن فكره ان صفار البيض ينخلط مع الجبن بدون لا ينطبخ و لا شي مايازتلي
ههههههههههههه

فكرت فكرت ثم فكرت

أنا خابره بنت عمتي تسويها بطريقة ثانيه

قولي شلووووووون

هااااااا سألتيني شلون

كانت تحط كريم كرامل باودر

تا تااااااااا (يعني مؤثرات صوتية) ههههه

بس ماني ذاكره الطريقة و هي مسافره فما قدرت أحصل الطريقه

قلت ماكو يا بيربل الا انج تبدعين و تخبصين و اللي يصير يصير

فشنو سويت

حطيت الجبن اللي قلتي عنه (مع اني أذكرها كانت تسويه بجبن فيلادلفيا) بس قلت أجرب هذه الماسكربوني

حطيت قيمر و حليب نستله بدال الشكر

ما ضبطت كانت وايد سايحه الخلطة

لو مو حاطه القيمر يمكن او مقلله من الحليب المركز (حطيت 3 علب صغار) يمكن تطلع أحلى

بس كانت زينه تنوكل يعني مو شينه بس ما كانت صاكه

:))

و سلامتج و تعيشين

 

At 9:55 PM, Blogger tasty_as_berry

Purplecious


أهلين :)
آسفه على التأخير بالرد
حيا الله من يانه

والله انا قريت كذا طريقه وهم شفتها مع جبنة فيلاديلفيا

بس قلت اجرب الماسكربوني وشفت الطريقة سهلة قلت يالله

اما سالفة البيض من غير مطبوخ والله عادي طعمه اندمجت المكونات فما راح تحسين بطعمه

وتدرين بعد لا يمنع من التخبص قليلا :))

يعطيج العافية :**