اعتقد ان مسألة الزواج ممن تحبه و يحبك بنفس القدر
مسألة صعبة
لأن القلب لا يعلم مكنونه في النهاية إلا الله
لكن أعتقد أهم شي بمسألة الزواج أن الواحد أو الوحدة ما يظلم شريكة حياته على أساس إنها ما دخلت قلبه
هالشي ما يتحكم فيه بس لا يقرر حسن المعاملة على أساس حبيتها ولا ما حبيتها
لازم يعاملها على أساس أنهم شركا بحياة وحدة و يمكن ما يتوفق أنه يعيش بغرامها بس لازم عليه إنه يتعامل معاها و تتعامل معاه بأحسن معاملة
في حديث عن الرسول عليه الصلاة و السلام يقول لما كان يقسم بين زوجاته " اللهم هذا قسمي فيما أملك فلا تلمني فيما تملك ولا أملك " يعني انه ما ينلام بقلبه
و يعطيج العافية على الموضوع

ما في اختيارات

مثلا احبها وتحبني ونتزوج

هذا صحيح يا زميلتي العزيزة بخصوص ان اخذ من يحبني و يرعاني ولكن لا توجد مشاركه من الشخص الذي احبني بخصوص طبيعتي و كيفيه تعامل معي و ايضا انه البنت لا ترتاح كثيرا بحيث لاتستطيع البوح بالمشاكل و الاشياء الي تجعلها غيرسعيده في حياته وفي نفس الوقت سوف تحمل ذنب عن طريق زواجها من شخص لاتحبه و ان حدث خطأ او مشكله يجب ان تتحمل كامل المسؤوليه من هذا القرار.

وايضا حياه اليوم غير عن حياه الأمس اي انه لاتستطيعن الوثوق بشخص مهما كان حبه و ثقته بك لانه سوف يأتي اليوم كلا الطرفين يمل من الأخر و تبدأ سلسله الخيانه و المشاكل و ها هنا تبدا كيفيه الخلاص من حياه الزوجيه التي كانت بدايتها على قوله اخوننا المصريين " سمنه على عسل " اما بعد مرور السنين تكون شوك و مشاكل.

نعم مشكله مهمه في حياتنا و يجب التفكير قبل القرار لكي نحيا و نعيش بحياه بعيده عن المشاكل و الشكوك التي تؤدي الى بؤس الحياه بين الأثنين.

تحياتي لج حبيبتي تيستي
و مشتاقه لج

الزواج .. موضوع شيق الصراحة

لكن عن نفسي .. مضرب عن الزواج حتى إشعار آخر

حتى لو كانت تحبيني و تموت فيني :)

mtfa2el
========

هلا والله ..
--------------
اعتقد ان مسألة الزواج ممن تحبه و يحبك بنفس القدر
مسألة صعبة
--------------

اعتقادك صحيح واتفق معاك .. ليس المطلوب الحب بقدر متساوي ..

لكن أن يكون حبه يضمن له عدم النظر لشخص آخر والبحث عن ما هو مفقود في حياته

الفكرة ان الشخص لا يرغم نفسه على العيش حياة وهو متردد ولم يشعر بالأمان منذ البداية ..

نعم ليست مسأله حب لأن مو كل الناس تتزوج عن حب ... هي مشاركة حياة مثل ما قلت

لكن أنت كنت في وضع مخير وكان لديك وقت طويل لتقرر هل هذا هو الشخص المناسب ام لاء هل احببته ..

لم تحبه قبل الزواج فهل تغامر لتعتقد بأن الحب سيأتي مع الوقت بعد الزواج ..!!

ما ينلام بقلبه صح ..

لكن بكل بساطة يقدر يقرر آنا أحب فلان وإلا فلان ..

حياك الله ويعطيك العافية :)

عاجل
====

آنا اعتقد أن الأختيارات كثيرة والحب مو كل شي بالحياة الزوجية.. لكن لابد تكون اختياراته على المدى الطويل وليس القصير ..

Suki_Candy
==========

هلا حبيبتي شلونج ؟
كلامج سليم ... كل علاقة على وجهة الأرض .. ممكن يصاحبها مشاكل وملل احيانا .. وتشوش افكار .. لكن الأهم أن يستمر .. ويكون له قدرة على المواصلة ..

لما أثنين يستمرون مع بعض والوقت يحكم على هذه العلاقة إما النجاح وإما الفشل .. هذا نصيبه

لكن لازم يدرك الشخص أن شعوره مو شعور مؤقت .. صحيح ان حياتنا مكتوبه لنا .. لكن كل شخص مسؤول عن قراراته ..يظل يتسائل يظل يقرر ويرفض لأن مخير وغير مسير ..

تشتاقلج العافيه :*
تسلمين

بوصالح
======

اهلين ،،

حتى إشعار آخر ... يعني ما يت اللي تييب راسك للحين .. :))

------------------
حتى لو كانت تحبني و تموت فيني
-----------------

لأن وبعد كل شي أهي حبتك وأنت ما حبيتها ..

كل شخص له طريقته بالحب .. في اشخاص بسرعة يحبون وفي أشخاص لاء..

أنت عارف شنو تبي ..وهذا شي زين ..

أهم شي أنك تكون راغب في هالشخص مو لأن هالشخص يحبك بس ..

يعني انت ما شي صح ..والأهم انك إذا كنت غير قادر على مبادلة هالحب فالإبتعاد أحسن ..

علشان هاللي تموت عليك وتحبك .. ما تدعي عليك :)

وتحياتي لك ،،،

o al7al ??

al7en netzwaaaaaaaaj meno??

7ayarteny walah

lazzy
=======

الحل بسيط ..:)

تزوجي اللي عارفه أن بيسعدج وبتسعدينه ..

وانج بتقضين معاه حياتج كلها.. وعارفه شعورج ناحيته ومتأكده من شعوره ناحيتج ..

راح تعرفين انتي مرتاحه مع منو واللي جدامج هل اهو مرتاح معاج وإلا لاء ..

صج اني قلت لازم تاخذ اللي تحبه ويحبك .. وبنفس الوقت قلت الحب مو كل شي ..

لأن الحب عمي .. فلازم الشخص يحب بقلبه وعقله ..

يعني لا تغصبين نفسج على حب شخص والارتباط فيه وبالتالي الاثنين مو مرتاحين .. وحبي اللي يستاهلج ويبادلج الحب

وبس سلامتج :)

من اجمل ما قرأت

حمد
====

هلا والله :)

شكرا ويعطيك العافية .. اسعدني تعليقك ..

نورت وحياك الله ،،،

والله انا اعتقد التوفيق من الله في كل شي شوفي عزيزتي الزواج شي والحب شي ثاني الزواج التزام مسؤلية جدام الله وبدام انك تزوجت الشخص فأنت ملزوم جدام الله انك تصونه ياما ناس ماتوا في حب بعض واخر شي بينهم مخافر ومحاكم موشرط يكون الزواج عشق وهيام ساعات تتزوج شخص وتييك ايام تفكر انا شنو شفت فيه ليش خذيته بس بعدتفكير تستغفر عن المرأه تتزوج الرجل الي تحس انه بيصونها بيشرفها وبنفس الوقت يحبها مو شرط بجنون تميل له ولارجل نفس الشي يتزوج المرأه الي تصونه الي سمعتها زينه الي ما يخاف عليها مو شرط انه يموت فيها يمكن يكون شاف وحده وحبها حب جنون ومات فيها لكن الزواج منها جنون بعد يعني الشاب يتعرف على البنت ويعيش قصة حب ويعشمها وبعدين يحس والله شني متردد يمكن الاقي احسن هذا مو حرام ما يتحاسب عليه لما انه من الاول حس بشي ما يكمل

Anonymous
=========

بالعكس الزواج مرتبط بالحب .. بدون الحب ما يكتمل الزواج ولا يكون في تضحية .. حتى لو كان بينهم ورقة ..ياما ناس نغصبوا على الزواج وكان زواج بالمخفر ..لكن بدون الحب ما يمشي ..

إذا ما كان قبل الزواج أيي بعده .. بالنهاية بينهم حب ..

الفكرة مو ان الشخص لازم يتزوج عن حب .. فكرة الموضوع كلها .. تختلف عن الزواج التقليدي وآنا ذكرت هالنقطة بالموضوع ..

آنا كنت أقصد الزواج عن معرفة وحب فقط وليس التقليدي ..

زواج الحب .. يعتمد على معرفة الأثنين لبعضهم والمرور في مراحل الحب خلالها .. بمدة غير محددة ..للتأكد من مشاعرهم

أما الزواج التقليدي .. يعتمد على معرفة بعض الصفات واللي قدر يستخلصها في مدة معينة قبل الزواج .. واللي خلالها يحصل اعجاب بين الطرفين ..

الفكرة كلها .. أن الشخص يتأكد من مشاعره ويحط في باله أن قادر على المواصله .. وما يظلم اللي معاه فقط لا غير ..

شوفي هذا اللي يعشم الله فوقه ... لكن والله بيقرر يتزوج فلانة وأهو ما عرفها من الأساس هذا منافق ..

المحبة من الله .. الانسان لما يكون مو قادر يحب الشخص اللي معاه ليش !!

فيه أسباب شخصية تخلي القلب غير قادر على التقبل .. لا تسأليني شنو لأنها تختلف من شخص لي شخص وكثيره ..

الوحدة تتمنى الريال يصونها ويشرفها .. ويحبها بعد ...بالضبط

مو شرط بجنون .... صح مو شرط بجنون ..
لكن شنو ؟
يلاقي الراحة بحضنها وما يفكر بغيرها ..

صج الريال عيونه زايغه لكن إن عشق عشق ..

تحياتي ،،،،

احب تحليلاتج للامور

فعلا الواحد يتحرص كثر ما يقدر

اعرف وحده توها توها انفصلت لانها مالقت الي تحبه فقالت يالله مو شرط حب المهم ريال سنع

خذته

اختنقت من قراره و انفصلت

بوستج رااائع فعلا
وطرحج شيق


بالنسبة لي
احترم جدا هذا المثل
ولللللكن انصح فيه اذا ما كان فيه خيار اخر

نعم تزوج من يحبك ويحترمك لانه سيقدرك
وانت ستحبه لذلك حتى لو لم تعشقة
فالحب ياتي مع العشرة الطيبة والعطاااااء


والافضل داااائما ان ترتبط بمن تحبه ويحبك


اما الارتباط من شخص تحبه وهو ما يدري عن هوى دااارك
فهذا عين الغباء في نظري



موضوع جميل

lawyer
======

أهلين :)

حبتج العافية ..

بالضبط نفس اللي أبي اوصله .. عدم اقتناع تسرع واغتنام للفرص .. بدون حسبة مستقبليةومراجعة النفس ..

وبالتالي انفصال ..

حياج الله ،،

vancouver
==========

هلا والله :)

وانتي أروع ،،
ونورتي البلوق بتعليقج ،،،

هم فكرت بنفس طريقتج .. اكتشفت اني دام ما تقبلت من البداية وما فز قلبي وشفت كيوبيد يحوس فوقي ..

معناته في خلل ويمكن الخلل فيني .. فما راح اقدر أعيش في وضع غير متوازن ..

في شخص قالي كلمة وحيل اعجبتني ...

سهل أن الشخص يدخل قلبج ويصير الحب .. لكن الصعب أن يظل داخل ..

كل ما كان شعورج يعطيج دفعة للمواصله كل مااستمر وصار أقوى ..

تحياتي لج وحياج الله :)