اطلبج طلب

الله يخليج غيري الخط :)

ولد الديرة
==========

شسوي مليت من الخطوط الموجوده قلت أغير

خلاص ولا يهمك حاظرين :)

انا للحين صامد في حياتي

Barrak
======

اهلين :)

ان شاء الله دووووم

السلام عليكم
مقاله حلوة وااااااااااااااايد
الله يعطيكم العافيه
بس عندي تعليق على الحساسيه الزايده ( اهيا حلوه ومو حلوه )

يمكن في انسان اخطأ هذا شي وارد لكن هل الغضب يعطيننا الحق انه ننسى كل شي حلو بيننا وبين الشخص اللي اخطأ في حقنا ؟؟؟ الله سبحانه وتعالى يغفر لعبده لو كانت سيئاته كزبد البحر واحنا البشر ما نغفر لبعضنا من خطأ واحد او اثنين
خل نقعد نتذكر انه احنا هدفنا في الحياة انه نخطي ونتعلم من اخطاءنا والا ماكان في جنه ونار
الحساسيه الزايده تاخذ من عافيه القلب والروح ليش ما نقوي قلبنا عشان ما نتعب والله لا اييب التعب دنيا واخره

يمكن الحروف اتكون قاسيه على العين عند القراءه لكن في وقت الشده والمواقف الصعبه الانسان اللي احنا اخذنا منه موقف وزعلنا منه لاي سبب كان وشفناه في موقف يعور القلب كمثال حادث سياره او مرض والعياذ بالله احنا بس انشوفه على طول اللي في قلبنا يروح ونقعد ندعي له بالعافيه ونتحسف على كل لحظه
خلاصة الكلام انه اذا زعلنا على احد معناته انه متوقعين منه رد فعل اقوى من جذي لكنه خيب الظن بس هل هذا معناته انه نعدم العلاقه او ننسى كل افعاله او كل يوم حلو كان بيننا وبينه سواء اخ او صديق او زوج ما اعتقد انه احنا قلوبنا قاسيه للدرجه هذي بس يمكن انه تركنا المجال لعواطفنا انها تتحكم بتصرفاتنا
نصيحه : عيش يومك بفرح ولا تشيل هم الامس وباجر واليوم وتعلم ولا تتحسف لانه ما تدري شنو راح يكون باجر احلى من اليوم اللي قاعدين نتذمر منه او امر من اليوم تعبنا فيه

واسف على الاطاله او اذا سببت أي ازعاج واذا في شي مو واضح اعتذر لانه صار لي 5 سنوات ما كتبت بس عجبني الموقع والمواضيع

انسان

Anonymous
=========

وعليكم السلام ورحمة الله وبركاته
شكرا من ذوقك الحلو

الموضوع ما فيه حساسية أهية مشاعر وأشخاص تخون هاذي المشاعر سواء كانوا أصدقاء او أقرباء او ايا كان ..

ترى القلب في موقف ورا موقف قاعد يشيخ ويتعب وينقص من عمره .. وبعد هذا كله ليش !!

علشان أنت قدمت أفضل ما عندك !!

ترى لو تلاحظ بالموضوع آنا ما لغيت دور الذكريات الجميلة بالعكس قلت ممكن الشخص في الوهلة الأولى يكره الذكريات ويتمنى أنها تنمحي

لكنها واقع وجزأ من الشخص وذاته وتضل مرجع للاستفادة من الأخطاء ومحاسبة النفس ..

وأيضا في نهاية الموضوع بينت أن الشخص لازم ما يشعر أنها نهاية العالم ويحاول ينسى او يمسح ذكرياته على أساس الاستمرار بالحياة ..

بالعكس ينظر للموضوع من زاوية ثانية ويكون ايجابي ويستمر في الحياة عادي ويعتبرها مرحلة من مراحل الحياة

سواء كانت تعيسة او سعيدة ..

لكن مرات أنت تعاشر أشخاص لما ترجع بتفكيرك لي ورا تلاقي ان ماكو ميزات ...مييييح لكن كنت تقنع نفسك في شي ولما تسترجع بالذكريات تلاقي عيوب في عيوب ..

فينتقل تفكيرك من اللاوعي إلى الوعي ..أن خلاص أنت أفضل حال جذي بوايد

خصوصا لما تلتقي بالأشخاص اللي يحبونك ويراعونك ويقدمون افضل ما لديهم

أهني راح تلاحظ الفرق حزتها ومثل ما قلت راح تعرف أن الغد حمل لك الكثير من المفاجآت والتعويض :)

تحياتي وحياك الله
وشكرا على التعليق

السلام عليكم 2

المشاعر ما اتخون ولا القلب يخون ولا الناس اتخون لالالالالا المصالح بين الناس تتغير يعني انا ابي ارضي مديري باي شكل اقعد اضبط فيه وادور الشي اللي يخليه يحبني ويدافع عني لكن لما استقيل واروح مكان ثاني تفرق معاي المصلحه تغيرت والشخص تغير يمكن انا اصير بمنصب اعلى انه الناس تتمصلح عندي وتبي الحاجه مني مو انا اللي ابي منهم الحاجه فا النفسيه تتغير والمعامله تتغير يعني السالفه مو سالفه زن ودنيا وحظ لالالالالا السالفه سالفه مصالح يعني اللي اليوم معاج باجر مو معاج شوفي شنو اللي تغير في علاقتكم اللي جعل انه الموضوع انتهى هل انتهى وصلتي للي تبينه او اهوه وصل للي يبيه ، سواء عمل او زملاء او اهل المصالح موجوده على الجميع مثال بسيط انتي موظفه في وزارة الاوقاف (( محد يبي منج شي )) لكن توظفي في وزارة الداخليه الله اللي مااتصل عليج من عمر يتصل ويصير واحد ثاني ويستخف دمه بس يبي يرد العلاقه عشان ياخذ مصلحته لكن المثل يقول لو خليت خربت يعني الكلام هذا ينطبق على ناس وناس لالا ما ينطبق عليهم في منهم يخدم ويعطي بس يبي ويه الله لانه فكرته انه ما يتريا من بني ادم لكنه يتريا من الله وبعدين على طاري القلب قاعد يشيخ انتي السبب ليش اتكبرين المواضيع يعني الموضوع لو شنو حطي في بالج انه المشكله لها حل لانه ما في احد ما عنده مشاكل عااااااااااااادي ترى انتتي وايد حساسه يعني اذا القلب راح يشيب فهذا منج مو منه الناس والحلو بالموضوع اني ما اعرفج فا اخذ راحتي بالكلام دون التحفظ ترى شي حلو انا فقدته انج تتكليمن والناس يطالعونج وبعرفونج تفرق وايد لما اتكونين غير معروفه انا احسها راحه مو معاج بس من الوضع ان وبعدين فيج شي غريب وايد وايد يعني انتي عندج اسلوب واتعرفين اشلون تتكلمين واشلون اتدبرين امورج شنو اللي يدفعج انج تكتبين بالنت ليش مافي احد يسمع لج لان نوعج اللي حواليج وايد مو شويه على حسب ما فهمت من كلامج انج عشريه الا اذا انتي من النوع اللي يبي يتكلم ومايبي يسمع وهذا وارد عند الحريم ما ادري ماادري فيه اشياء وايد متقلبه في مواضيعج مره مسكينه ومره قاسيه ومره لالا مقروصه ومره ايجابيه ومره سلبيه شالسالفه شنو اللي تبين اتوصلينه للقارئ يعني انا في ناس وايد لي معاهم مواقف جميله وذكريات حلوه بس للاسف اكتشفت انهم غير وصار في اختلاف قوي وكل من راح في نصيبه انا ما احبهم بس اذكرهم واذكر الذكريات ومن غير ما احس الاقي الويه مشقوق حمدالله والشكر والناس اتشوفني واتقول اشفيه هالعبيط يوزع ابتسامات بس طبيعي الواحد يصير له هالموقف من ربعه او اهله واخير انتي توج اتشوفين انه مافي ايبجابيات ليش وين عقلج وقتها انتي اتحبينه تتحملينه (( بس بحدود )) يعني اذا كان لا يحتمل هذي غلطتج اذا تحملتي اللي ما يحتمل وحسستيه انه يحتمل جذي اهوه يحس انه انسان طبيعي وانه انتي وحده وفي غيرج وااااااااااااااااااااايد وهذي غلطتج بشكل كبير ليش تتحملين اللي يسوى واللي يسوى ما تعطينه فرصه هذا يسمونه سوء اختيار وبصراحه الخطأ مشترك دام من الاول ما يستاهل ليش اكمل معاه ؟؟؟؟؟؟؟ يعني انتي ما كملتي الا انه في شي يدفعج .
نفس الشي على رفيجتج تلاقينها بنت حلال وقلبها عليج لكن بس تعطينها ظهرج تقعد تاكل في لحمج والله يحت شعرج من اللي تسمعينها تقوله عنج واتقولين اشلووووووووووووووووووووون فلانه اتقول عني جذي ومرات بنات العمام والخوال وللاسف تلاقين اللي يعور القلب اكثر اختج تقعد تحفر لج الله اكبر اختي من امي وابوي اذا اختي من امي وابوي اتسوي فيني جذي عيل الغريب شنو راح يسوي .
احسن علاج للوضع هذا الحذر المعقول اللي ما ياخذ من العافيه مو اللي قاعده اتسوينه في نفسج والله تتعقدين ترى مو زين ياثر على حياتج مع زوجج وعيالج واهلج واهل حمولتج ليش تخلين فراغ في قلبج حق هالسوالف خلي قلبج حق اهلج وزوجج اذا متزوجه واذا مو متزوجه واااااااااااو والله احسن لج استانسي وروحي و تعالي لاحقه على عوار القلب والاذينه والواق و الوييق عندج الزواج حلو والعزوبيه حلوه بس لازم انعيش مميزات كل واحد منهم
اعطيج مثال بسيط :-
انا نشأت في اسره قاسيه المشاعر من الاخوان وايد يقسون علي من طفولتي هذا شي انا متاكد انج مو عايشته فا لا اتقولين الكلام هذا والله انا اشوف الاخو الكبير اشلون يلاعب اخوه الصغير والله قلبي يعورني احس انس فاقد هالشي وما اقدر اتكلم لانه هالامور ما يصير اني اطلبها لازم اتيي من نفسها
وااااااااااااااااااااااااااااو اليوم وايد طولت معاج الله يعينج بعد القراءة بتقولين هذا انفجر معلش انا استغليت النقطه نه الكل يشارك المناقشه ويشوف الاراء والناس اشلون تتعامل مع بعضها

تصبحين على خير
انسان

أهلين :)

نادر ما ألاقي ناس تناقشني بهالطريقة وبالعكس آنا استانس من التعليقات الطويلة ..

لكنك تطرقت لشخصي بشكل كبير وبنيت تصورات وحكمت علي بشكل يختلف عن شخصيتي واعتقدت بالنهاية أن كل مواضيعي نابعة من تجارب شخصية وهذا غير صحيح !

أنت يمكن تكلمت على مجموعة من مواضيعي وآنا اكتب من 2005
وكتاباتي متقلبة صح لأن آنا عايشة بالدنيا آنا شخصية مليئة بالعيوب اعترف وبكل صراحةواللي بقلبي على لساني لكني ما اجرح ما اظلم ما أأذي

آنا بمدونتي ما ابي شي أبي اطلق كل تفكير وكل رايي وكل موضوع بدور في بالي بهالمساحة..زائد أني اعتقد في كل موضوع اكتبه حكمه وفكرة معينة احب اوصلها .. ليست عني أنما عن الدنيا والناس ..

واتمنى انجح في هذا الشي

على فكرة آنا اجتماعية وايد مثل ما قلت ... ولدي ناس مستمعة بشكل كبير وآنا مو من النوع الكتوم أساسا ..

إضافة إلى أن لدي قدرة تحمل كبيرة ولست حساسة بالمرة

مواضيعي دايما اطرحها بشكل عام في منها تجارب وفي منها عبر سمعت عنها وقرأت ..

وأضيفلك معلومة آنا متفائلة واتخطى الصدمات بسرعة واعرف شلون امشي حياتي وهذا الزين فيني ... لكن مو معناته ما اتكلم في المواضيع اللي تضايقني ..آنا قاعده افكر ويمكن مشكلتي الوحيدة التفكير

انت لما تستمر تفكر مرات تضيف فكرة وتلغي افكار وتصحح وتبني رغبات يديده ..

على فكرة آنا مو من الناس اللي لما يضيق خلقها تعتزل العالم ولا اشجع هذا الشي ..

لكن الغلط غلط ما فيها روح وتعال ... لما الناس تغلط عليك او تضرك .. في الواقع سببتلك مشكلة وألم ..وفوق هذا تكابر وهم قوات باس وعدم اعتراف بالغلط ..

بنقول اهم وضميرهم ...

تدري أنت شنو تحسسني أن كل ما احد غلط عليك قلتله .. الله يسامحك .. ولما يزفونك تنزل راسك وتسكت .. ولما تعصب ما تتكلم !!

أنت تقول الأشخاص يبون مصلحتهم ...والمصالح تتغير عوووع يا أخي ما ابي قربهم ولا صداقتهم ..

لأني عمري ما ركضت ورا المصلحة .. وأعتقد اللي جذي مريض ..!!

آنا انسانه طبيعية اعطي من قلبي مع كل ناس محبوبة ما ارضى بالغلط بكل بساطة ولدي مبادئي الخاصة..

نعم مرات متشائمة ومرات متفائلة ومرات مقروصة ومرات مليئة بالحب ...

يعني هذا اعتراف مني صريح بأني انسانة طبيعية :)

على فكرة انت اللي كنت سلبي :/

ترى موضوعي ينبع من التفائل يعني اللي وده يمسح ذكرياته لانها مؤلمة كنت أقوله وانصحه لا يفكر لأن اهية جزء من شخصيته ..

لكن ما ادري انت شنو فهمت من الموضوع :)

سؤال يطرح نفسه :

شنو اللي خلاك تقول فيني فراغ !!
واني محطمة وحاكرة نفسي بالبيت !!


آنا الحين قاعدة أقولك خلك متفائل والحياة حلوة يعني لما يضيق خلقي يوم او اتشائم حدها عادية السالفة اليوم اللي وراه اضحك

وماكو نفسي بالضحك والفرفشة :)

حسستني انك شايل همي ..

اما بخصوص القلب قاعد يشيخ انا معاك بأن انا نفسي السبب لكن يظل قلبي كبير وراح اتحكم في ردود افعالي :)


مشكور ما قصرت على هالمشاركة الطيبة
وعساك على القوة

اشكرج

موسيقى عجيبة

وين حليمة
!!


:P

ولد الديرة
===========

حياك الله

في تعليق بعد نسيت تقوله !!؟

هممممم

متعشي كباب و متنح

ساعديني :>

مبارك عليج الشهر

:)